ಕೇಶಿರಾಜನ ಶಬ್ದಮಣಿ ದರ್ಪಣ / Keshirajana Shabdamani Darpana

ಕೇಶಿರಾಜನ ಶಬ್ದಮಣಿ ದರ್ಪಣ / Keshirajana Shabdamani Darpana -ಡಾ. ಎನ್. ಎಂ. ಗಿರಿಜಾಪತಿಯವರು ಕೇಶಿರಾಜನ ಪ್ರಸಿದ್ಧ ಕನ್ನಡ ವ್ಯಾಕರಣ ಗ್ರಂಥವಾದ ಶಬ್ದಮಣಿದರ್ಪಣದ ಸಂಪಾದಿತ ಆವೃತ್ತಿಯನ್ನು ಹೊರತಂದಿದ್ದಾರೆ. ಈ ಆವೃತ್ತಿಯು ಅದರ ಸಮಗ್ರ ಸಂಕಲನ ಮತ್ತು ವಿಶಿಷ್ಟ ನಿರೂಪಣಾ ಕ್ರಮದಿಂದ ಕೂಡಿದೆ. ಸೂತ್ರಗಳನ್ನು ಸರಳವಾಗಿ ಓದಲು ಅನುಕೂಲವಾಗುವಂತೆ ಪದ ವಿಭಾಗ ಮಾಡಲಾಗಿದೆ. ಕೇಶಿರಾಜರ ಮೂಲ ವೃತ್ತಿ (ಗದ್ಯರೂಪದ ವಿವರಣೆ)ಗೆ ಕನ್ನಡದಲ್ಲಿ ವಿವರಣಾತ್ಮಕ ಅರ್ಥ ನೀಡಲಾಗಿದೆ. ಪೂರಕ ವ್ಯಾಕರಣಾಂಶಗಳ ಚರ್ಚೆ, ಉದಾಹರಣೆಗಳು, ಮತ್ತು ಅಗತ್ಯವಿರುವ ಕಡೆ ಭಾಷಾವಿಜ್ಞಾನದ ಪ್ರಸ್ತಾವನೆಗಳನ್ನು ಸೇರಿಸಲಾಗಿದೆ. ಇಂದಿನ ಓದುಗರಿಗೆ ಮತ್ತು ವಿದ್ಯಾರ್ಥಿಗಳಿಗೆ ತೊಡಕಾಗದಂತೆ ಕೃತಿಯ ವಿನ್ಯಾಸವನ್ನು ರೂಪಿಸಲಾಗಿದೆ. ಈ ಪುಸ್ತಕವು ವಿದ್ಯಾರ್ಥಿಗಳಿಗೆ, ಅಧ್ಯಾಪಕರಿಗೆ, ಸಂಶೋಧಕರಿಗೆ ಮತ್ತು ವಿದ್ವಾಂಸರಿಗೆ ಆಕರ ಗ್ರಂಥವಾಗಿ ನೆರವಾಗುತ್ತದೆ.