ನಿನ್ನಿಂದಲೇ ಅರುಣೋದಯ / Ninnindale Arunodaya

ನಿನ್ನಿಂದಲೇ ಅರುಣೋದಯ / Ninnindale Arunodaya – ಖ್ಯಾತ ಕಾದಂಬರಿಗಾರ್ತಿ ಸಾಯಿಸುತೆ (ರತ್ನಾ ಅಶ್ವತ್ಥನಾರಾಯಣ) ಅವರ ಸಾಮಾಜಿಕ ಕಾದಂಬರಿ-ನಿನ್ನಿಂದಲೇ ಅರುಣೋದಯ. ತಾವು ಈಗಾಗಲೇ ಬರೆದ ‘ಅಗ್ನಿದಿವ್ಯ’ ಕಾದಂಬರಿಯ ಮುಂದುವರಿದ ಭಾಗವೇ ಈ ಕಾದಂಬರಿ ಎಂದು ಲೇಖಕಿ ಸಾಯಿಸುತೆ ಹೇಳಿಕೊಂಡಿದ್ದಾರೆ. ಪ್ರೇಮದ ವೈವಿಧ್ಯಮಯ ಪರಿಗಳ ಸೊಬಗನ್ನು ತೋರುವ ವಸ್ತುವನ್ನು ಒಳಗೊಂಡ ಕಾದಂಬರಿ. ಪ್ರೇಮದ ಪರಿಶುದ್ಧತೆಯನ್ನು ಸಾಮಾಜಿಕ ವಿದ್ಯಮಾನಗಳ ಚೌಕಟ್ಟಿನಲ್ಲಿಟ್ಟು, ಅದರ ಹಿರಿಮೆ-ಗರಿಮೆಗಳ ಸಂದೇಶ ನೀಡುತ್ತದೆ. ಕಾದಂಬರಿ ವಸ್ತು, ನಿರೂಪಣಾ ಶೈಲಿ, ಸನ್ನಿವೇಶಗಳ ಕಲಾತ್ಮಕ ಜೋಡಣೆ, ಪಾತ್ರಗಳ ಸೃಷ್ಟಿ, ಪರಿಣಾಮಕಾರಿ ಸಂಭಾಷಣೆ ಇತ್ಯಾದಿ ಸಾಹಿತ್ಯಕ ಅಂಶಗಳು ಓದುಗರ ಗಮನವನ್ನು ಸೆಳೆಯುತ್ತವೆ.